Eva  Agra (Santiago de Compostela, 1990) formouse primeiro como fotógrafa na EASD Mestre Mateo de Compostela e máis tarde completou os seus estudos de Ilustración na EASD Antonio Faílde de Ourense.  Tras o seu paso polo Local Disponible crea 7H Cooperativa Cultural no ano 2015 xunto con outras compañeiras co fin de poder desenvolver e traballar en proxectos colectivos do eido cultural, artístico e da economía social. En 7H Coop traballa como ilustradora profesional, coordinadora de proxectos, fotógrafa e educadora artística. Algúns dos proxectos máis destacados nos que participou como docente son: Mutacións Urbanas, I Laboratorio de Creación para activar a cidade dun xeito inclusivo, Elas Tamén Pintan, LAU2017 e Paint-It-Blue. Luis Seoane, cinta pintor e o poder das formas para habitar un museo.

7H Coop · Komorebi · Eva Agra
Bríxida sufraxista

É a creadora de Bríxida, a deusa celta da inspiración e a imaxe icónica de 7H Coop. Grazas a este proxecto foi escollida como a ilustradora da colección Mulleres Bravas da Nosa Historia editada por Urco Editora, unha colección de libros ilustrados sobre as mulleres máis relevantes de Galicia. Un proxecto de visibilización das mulleres galegas co obxectivo de crear novos referentes cos que crezan nenas e nenos. Debido ao éxito da colección foi considerada a 5ª mellor ilustradora no ano 2017 grazas á revista Fervenzas Literarias e ao apoio do público.

O estilo de Eva Agra permítelle moita versatilidade á hora de abordar proxectos e nel distínguense claramente dúas estéticas: unha máis colorida e desenfadada no ámbito da ilustración infantil e outra máis escura e íntima cando se trata de proxectos máis persoais, proxectos cos que naceron as súas #nenasrarasconproblemas, as protagonistas da maioría das súas pezas. É por este motivo que a conxunción dos seus dous estilos podería definirse como Komorebi, un termo de orixe xaponesa que fai referencia ao fenómeno que xurde cando a luz solar se filtra entre as follas das árbores e crea un misterioso xogo de luces e sombras sobre o chan.

 

Luz e sombra, alegría e tristeza, bondade e maldade… o noso mundo móvese entre opostos, por iso ten tantos matices de grises, por iso é tan bonito e á vez tan aterrador…. por iso é tan Komorebi

 

 

Anuncios